O Carballiño recibirá a visita do Apalpador o próximo 24 de decembro. Será un espectáculo de monicreques con Ignacio Vilariño de Fantoches Baj, que se ofrecerá de xeito gratuito no auditorio ás 12,00 h.
Esta é unha iniciativa do programa Nadal en Rede, impulsado pola Rede de Dinamización Lingüística.
“O castiñeiro do Apalpador” é unha peza de teatro con monicreques que, partindo da tradición popular, presenta un carboeiro que as xentes chaman Apalpador. Este cóntalle ao público por que o Nadal lles reparte castañas aos nenos e nenas que non teñen nada nas súas barriguitas.
O espectáculo, que dura uns 50 minutos, está recomendado para todos os públicos a partir de 3 anos, e terá lugar no auditorio municipal o sábado, 24 de decembro, ás 12,00 h.
