O recente cambio de imaxe no interior e no exterior da Praza de Abastos, así como a campaña de promoción que están levando a cabo os praceiros, contribúen a incentivar as ventas neste mercado publico.
De feito, lévanse entregado unhas 20.000 papeletas dende o 3 de novembro para participar no sorteo que se celebrará o próximo 22 de decembro.
A Praza de Abastos repartirá 1.000 euros en premios entre a clientela que merque neste mercado durante esta promoción do Nadal. Haberá dez premios, de 200, 100 e 50 euros, ata un total de 1.000 euros, para as persoas que resulten afortunadas no sorteo que se celebrará o 22 de decembro.
