O Campamento urbano de Verán 2017 comezará o 3 de xullo, e desenvolverase ata o 31 dese mes en dúas quendas: do 3 ao 15 e do 17 ao 31. Vai dirixido a nenos e nenas comprendidos entre os 5 e os 15 anos, e o horario das actividades será de 10,00 a 13,30 h. O prezo é de 40 euros por quenda, pero se opta por todo o mes, o custo será de 60 euros. A todas as persoas inscritas ofrécese o agasallo dunha mochila e unha gorra.
O campamento está organizado por Máis Escola 21, en colaboración co concello do Carballiño, e oferta actividades deportivas, como fútbol, balonmán, veolley, jockey, badminton, deportes acuáticos e gymkhanas deportivas, entre outras; actividades multiaventura, como BTT, sendeirismo, orientación, rocódromo, tirolina e tiro con arco, entre outras; e actividades lúdicas e culturáis como obradoiros de abalorios e camisetas, pulseiras, debuxo, pintura, cineforum, maquillaxe, de fantasía e globoflexia, entre outras.
As prazas son limitadas, polo que se roga que se faga canto antes a inscrición. Os pasos a seguir son os seguintes: recollida do sobre coa información e a instancia no concello (área de Deportes); entregar os documentos cubertos no concello. Finalmente, realizarase unha chamada por teléfono para confirmar a praza e a data da reunión previa ao campamento.
Para máis información www.maisescola21.com o un área de Deportes do concello.
