O Carballiño consolida a segunda plaza como municipio máis poboado da provincia, tras acadar un padrón a 1 de xaneiro de 2020 de 14.089 habitantes, 62 habitantes máis que os que figuraron no padrón do ano anterior.
O dato foi comunicado polo Instituto Nacional de Estadística, e ten carácter provisional, pois ainda queda por abrirse o periodo de alegacións, no que o servizo do padrón do concello do Carballiño agarda incrementar o número de personas empadronadas.
Dase a circunstancia de que, según os datos de Estadística, o municipio carballiñés é o único que conseguiu incrementar a poboación neste último ano, superando ampliamente a outros municipios, como Verín, que hai dous anos ocupaba o segundo posto provincial, e que agora ten 13.647 persoas empadronadas, ou O Barco, cuxo padrón é de 13.431 habitantes.
Diversas circunstancias contribúen a este crecemento. Entre elas, están a chegada de inmigrantes, sobre todo procedentes de Venezuela, ou a puxanza do sector industrial do Polígono da Uceira e o parque empresarial, sobre todo no relativo á oferta de emprego de grandes empresas, como son GRI Towers e DIZMAR, e a outras medianas e pequenas empresas instaladas na zona industrial.
Pero tamén contribuiu a este incremento poboacional o traspaso de habitantes de concellos lindeiros da comarca, debido á oferta educativa, ao comercio e á hostalería locais, así como aos servizos municipais cos que conta o concello, como son as escolas deportivas, o conservatorio e a escola de música, entre outros.
Tamén adquiren relevancia os programas de formación encamiñados a mellorar a empregabilidade das persoas desocupadas.
Son un conxunto de factores, ademáis dos nacementos, que axudan a consolidar este período de claro crecemento da poboación do municipio do Carballiño. Un período que comezou o pasado ano, onde se acadou un padrón de 14.027 habitantes, e que continúa este, con 14.089 habitantes, tras varios anos de caída. Unha tenencia positiva que contrasta coa tendencia negativa anterior e a que amosan o resto dos municipios máis importantes da provincia.
