O concello do Carballiño prosigue a implantación do novo sistema de iluminación pública con lámparas led, que ofrece un maior rendimento lumínico e un aforro no gasto eléctrico do 45%. A rúa na que se implanta este sistema agora mesmo é Xullo R. Soto, unha das rúas de máis tránsito da vila. A instalación xa comezou a realizarse, e calcúlase que pode estar totalmente rematada antes das datas de celebración do Nadal.
O proxecto consiste na substitución das 80 farolas con lámparas de sodio de 150 watios, que existen nesta rúa actualmente, por lámparas tipo led de 80 watios, incrementándose notablemente a intensidade lumínica, ademáis de conseguirse un gran aforro no gasto eléctrico.
O cambio de sistema do alumeado público xa se efectuou nas rúas Conde Vallellano, rúa de Ourense, Martínez Avellanosa, Galicia e Calviño, asi como no Polígono Industrial e Parque Empresarial. É un proxecto que se iniciou a comezos deste ano e que proseguirá o próximo noutras rúas e avenidas do Carballiño.
