A concelleira de Benestar Social, Igualdade e Sanidade, Marina Ortega, reuniuse en Ourense co director de procesos asistenciais, co obxectivo de saudar aos responsables do novo equipo directivo da xerencia do CHUO e reiterar as necesidades plantexadas anteriormente para o centro de saúde do Carballiño.
Así, Marina Ortega recordou a petición dun médico máis, xa que o número de pacientes por médico é superior ao cupo que debería ter cada un. Tamén pediu a ampliación do servizo de pediatría polas tardes e unha ambulancia para dar cobertura ás necesidades comarcais do Carballiño-Ribeiro.
Son as mesmas necesidades que lle trasladara a concelleira hai case un ano á anterior xerente, pero que a día de hoxe ainda non foron satisfeitas, polo que dende a concellería de Sanidade se solicita a súa resolución canto antes.
