O concello do Carballiño repartirá 5.300 euros en premios entre as mellores comparsas que acudan ao desfile do Martes de Entroido, o 28 de febreiro. O primeiro premio terá unha dotación de 1.300 euros; o segundo, de 1.000 euros; o terceiro, de 800 euros; o cuarto, de 400 euros; o quinto, de 350 euros, e o sexto, de 300 euros.
Asemade, concederase un premio especial de 300 euros á comparsa que acade a mellor puntuación segundo o criterio dun representante de cada unha delas. Ademáis, haberá 15 accésits de 60 euros ás comparsas que non acaden ningún dos seis primeiros premios, E, finalmente, as cinco primeiras comparsas clasificadas recibirán outros 250 euros cada unha, se participan no desfile da Festa da Cachucha, o domingo, 5 de marzo.
Así, en total, o concellería de Cultura, que organiza, xunto coa concellería de Turismo, o Entroido e a Festa da Cachucha, destinará só a premios premios destes dous eventos 6.600 euros.
E isto sen ter en conta o concurso infantil de disfraces, que terá lugar o sábado, 25 de febreiro, ás 17,30 h., na Praza do Emigrante, e que repartirá 600 euros en vales de compra para os mellores disfraces individuais e de grupos.
As inscricións para o desfile de comparsas poderán realizarse a partir do martes próximo, 14 de febreiro, na área de Cultura do concello, onde tamén se poderán consultar as bases, que se publicarán na páxina web e no faceboock do concello.
Para o concurso infantil non se precisa inscrición previa, senón que hai que facelo unha hora antes do concurso (16,30 h) na carpa da Pista Roxa.
Ademáis das comparsas, tanto o Entroido como a Festa da Cachucha, contarán coa animación musical de charangas, orquestras, folións e a murga carballiñesa Os Liborianos, que nunca falta a estas celebracións.
