O espectáculo musical “La Reina de las Nieves”, que chegará ao Carballiño o próximo 4 de febreiro, abre un segundo pase ante a gran demanda de entradas. De feito, para a única sesión que estaba prevista, ás 17,00 h., xa se levan vendidas 350 entradas, polo que a empresa promotora anuncia a ampliación a un segundo pase, ás 19,00 h.
Son as únicas funcións que se poderán presenciar na provincia de Ourense deste evento musical infantil e familiar de gran éxito en toda España.
O espectáculo está baseado en “La reina de las nieves y otros cuentos” de Andersen. Combina actores, muñecos de grandes dimensións, proxeccións e sombras sobre o escenario que evoca a fantasía e a realidade que se misturan nos contos do autor danés.
La reina de las nieves é a historia duna nena chea de antusiasmo e de bos sentimentos que busca a un amigo. A narración incorpora a outros personaxes doutros contos de Andersen como La sirenita, El soldadito de plomo o El patito feo.
As entradas para o segundo pase o sábado 4 de febreiro, ás 19,00 h., poden reservarse e adquirise de xeito anticipado, ao prezo de 12 euros, en:
*On line en www.giglon.com/todos?idEvent=la-reina-de-las-nieves—o-carballino
E dende o martes, 24 de xaneiro, en:
Restaurante A Fuchela.
