A empresa MATADERO CARBALLIÑO S.L. debe cumplimentar nos próximos quince días os requisitos administrativos que se esixen para que se faga efectiva a concesión da xestión do matadoiro municipal. O procedemento de licitación e proposta levada a cabo pola mesa de contratación, así como o cumprimento de todos os trámites administrativos por parte da empresa licitante, recibiron o apoio unánime da corporación municipal reunida esta mañá en sesión plenaria.
A empresa realizará nun prazo máximo dun ano un investimento de arredor de 1.000.000 de euros, así como a crear uns 10 postos de traballo. E espérase que o matadoiro, que leva cinco anos sen actividade, comece a funcionar antes de que se cumpra un ano.
No pleno tamén se aprobou unha moción do BNG para evitar que se sigan reducindo carteiros no medio rural, e outra do Partido Popular para solicitar a mellora dos vestiarios do estadio de Espiñedo.
