Así o dixo o vicepresidente Alfonso Rueda en Nuremberg no acto de presentación da LV Festa do Pulpo do Carballiño e 25 Festa do Pulpo do Centro Galego desta cidade alemana.
Ao acto asistiu o alcalde do Carballiño, Francisco Fumega; o concelleiro de Turismo, José Manuel Dacal; os concelleiros Argimiro Marnotes e Bernardo García, do PP e Alternativa Veciñal, respectivamente; o secretario xeral de Emigración, Antonio Miranda; a directora de Promoción de Turismo de Galicia, Carmen Pita; o cónsul xeral de España en Baviera, Ricardo Zalacain e o primeiro concelleiro de Nuremberg en representación da alcaldía desta cidade. O concello do Carballiño tamén levou dous pulpeiros, Plácido Justo e Carmen González, que coceron varios centenares de kilos de pulpo que se serviron a varios miles de persoas baixo unhas carpas instaladas polo Centro Galego nunha rúa pechada ao trafico para a ocasión.
O Presidente do Centro Galego de Nuremberg, Gerardo Arias, abriu o acto cun discurso de lembranza ás orixes da Festa do Pulpo de Nuremberg e do Carballiño, e agradeceu o apoio das autoridades e a dedicatoria da 55 Festa do Pulpo ao Centro Galego de Nuremberg.
No acto tamén interveu o alcalde do Carballili, que glosou as excelencias da Festa do Pulpo e da vila carballiñesa, e convidou aos asistentes a acudir ao Carballiño o 13 de agosto.
