A academia Padelprix organiza, en colaboración co Concello e a Deputación, un campamento de verán multideportivo con especial dedicación ao tenis e o padel. Este campamento celebrarase do 26 ao 30 de xuño.
Ten como obxectivo fomentar a práctica deportiva lúdica e non competitiva, e desenvolverá actividades adaptadas a cada ciclo de idade. Tamén inclúe xogos cooperativos, deportes alternativos, xogos acuáticos e actividades ao aire libre.
Hai dúas opcións de matrícula: sólo campus: de 9,30 a 14,00 h., e opción de asistencia en comedor ata as 16,00 h. (sen incluir a comida).
A matrícula terá un costo de 20 euros por día, para os rapaces e rapazas empadronados no Carballiño, ou 70 euros a quenda dunha semana, tamén para as persoas empadronadas no Carballiño. No caso do non empadronamento, os prezos son de 25 euros/día ou 80 euros a semana. Tamén se oferta a posibilidade de asistencia ao comedor, cun costo de 2 euros día ou 5 euros a semana, pero sen incluir a comida.
A matrícula inclúe técnicos deportivos especializados, seguro de accidentes e RC, e material deportivo para as actividades.
Para as inscricións e máis información: www.padelprix.com info@padelprix.com 988606660 e 600493800
