O concello do Carballño restrinxe os horarios do tráfico rodado nas rúas Aldara, entorno da Alameda e Avenida do Arenteiro, para ampliar temporalmente as zonas peonís, co obxectivo de facilitar o paseo e cumprir coas distancias recomendadas para evitar posibles contaxios polo covid-19.
CORTES DE TRÁFICO
En concreto, o grupo de goberno municipal establecerá cortes de tráfico nas seguintes rúas:
RÚA ALDARA
Corte do tráfico rodado dende a confluencia coa rúa Caridade ata o Concello, nos seguintes horarios e días: de luns a venres, de 20,00 a 00,00 h; sábados, de 18,00 a 00,00 h; domingos e festivos, de 12,00 a 00,00 h.
ENTORNO DA ALAMEDA
Excepto usuarios dos garaxes.
Corte de tráfico rodado nos seguintes días e horarios: de luns a venres, de 20,00 00,00 h; sábados: de 18,00 a 00,00 h; domingos e festivos, de 12,00 a 00,00 h.
AVENIDA DO ARENTEIRO
Excepto residentes e vehículos con tarxeta de minusválidos.
Corte do tráfico rodado desde o comezo da avenida e durante todos os días semana.
O concello non descarta que, se fose necesario, se tomen medidas semellantes noutras rúas.
Asimesmo, advírtese que só está permitido realizar paseos ata unha distancia de 1 km desde o domicilio, non podendo en ningún caso superarse este límite, e facelo sempre nos horarios estipulados.
