Sustinea, en colaboración co concello do Carballiño, ofertan 25 prazas para un campamento de verán que se desenvolverá do 23 ao 28 de xullo en Porto do Son. Trátase dun campamento de actividades medioambientais, de aventura e deportes náuticos, que se levarán a cabo nas instalacións do campamento xuvenil Virxe de Loreto, e que xa tivo lugar en pasadas edicións con moito éxito.
É un campamento dirixido a rapaces e rapazas de 12, 13 e 14 anos (nados no 2003, 2004 e 2005), e que terá un custo de 85 euros por praza.
As persoas interesadas poden inscribirse e ampliar información na área municipal de Xuventude, na terceira pranta do concello, a partir deste xoves, 22 de xuño e ata o luns 3 de xullo, en horario de 8,00 a 14,30 h.
Por outra parte, seguen abertos os prazos para o campamento urbano e o campamento máxico, así como o campamento de deportes de raqueta e o campamento musical que organiza o colexio Vila do Arenteiro.
