Un espectáculo infantil e familiar, unha obra de teatro, un monólogo e varias exposicións configuran a oferta cultural do Carballiño durante a próxima Semana Santa. Trátase de tres espectáculos de calidade dirixidos, un ao púbico infantil e familiar, e ao público adulto, coa finalidade de ofrecer diversas alternativas de entretemento cultural neste período vacacional.
PROGRAMA
O espectáculo Peter Pan y Wendy, a cargo da compañía El Perro Azul Teatro, estará no auditorio municipal o sábado, 24 de marzo, ás 18,00 h.
O monólogo de Antílopez, quinta entrega do ciclo de humor “Carballiño Comedy 2”, chegará ao auditorio o domingo, 25 de marzo, ás 20,00 h.
A compañía Sarabela Teatro representará o sábado, 31 de marzo, ás 20,30 h., no auditorio municipal, a obra O REI MORRE.
A Asociación Fotográfica O´Potiños mantén abertas diversas exposicións en establecementos hostaleiros da vila, así como no concello, no Casino e na rúa do Paseo. A mostra do concello contén unha selección das mellores fotos dos integrantes da asociación durante o 2017.
Finalmente, organizada pola Cofradía da Veracruz, permanece aberta no templo da Veracruz a exposición “A Paixón según Playmobil 2.0”.
