O concello impón un sentido único nos paseos polos carreiros de ambas as marxes do Arenteiro para evitar aglomeracións e aumentar a distancia de seguridade
22 Maio, 2020
Prorrogado ata o 16 de xullo o prazo para manter limpas de maleza as parcelas e leiras próximas a vivendas e bens, en prevención do perigo polos incendios forestais
25 Maio, 2020
O concello finaliza as felicitacións de aniversarios a nenos e nenas, coa entrada da segunda fase da desescalada este luns, 25 de maio
Coa felicitación dos aniversarios dunha nena residente na aldea da Dornela, preto da Magdalena, o concello finaliza as felcitaciones dos aniversarios dos nenos e nenas de 1 a 11 anos, que realizou durante os últimos dous meses de confinamento.
Este luns, 25 de maio, entra en vigor a segunda fase de desescalada, e por iso de deixan de felicitar os aniversarios.
Nestes dous meses de confinamento, preto de 200 nenos e nenas recibiron fronte ás súas casas a felicitación polos seus aniversarios. Unha iniciativa na que colaboraron a empresa local Inforsonic, o DJ Tibu, a locutora de radio Maiti Grande, a traballadora de Servizos Públicos do concello María José, Grumir e Policía Local.
As felicitacións tamén lle chegaron, vía wasap, a moitos nenos e nenas que se atopan na emigración, en especial, en México e Panamá.
No centro urbano do Carballiño, levaron a cabo moitos aniversarios en rúas como Avenida do Balneario, Martínez Avellanosa, Porto Rico, Avenida de Compostela, Solaina e Marcelino Parrondo, entre outras; e tamén en moitas parroquias, aldeas e lugares do rural, onde residen nenos e nenas de 1 a 11 anos.
O concello quere destacar a gran lección que deron os nenos e nenas do Carballiño durante este tempo de confinamento, que supuxo un verdadeiro esforzo para toda a xente, pero dunha maneira especial para os máis pequenos.
