O concello impón un sentido único nos paseos polos carreiros de ambas as marxes do Arenteiro para evitar aglomeracións e aumentar a distancia de seguridade

O concello do Carballiño procede á instalación de paneis indicativos de dirección nos carreiros das dúas marxes do río Arenteiro co obxectivo de facilitar os paseos á beira do río, así como para incrementar as medidas preventivas de separación entre os camiñantes, evitando posibles aglomeracións.

Deste xeito, as persoas que paseen pola beira do río deben facelo deixando sempre o río na marxe esquerda no sentido da marcha, co que se evita que nos tramos máis estreitos poidan coincidir varias persoas camiñando en sentido contrario.

Esta medida, que se adopta como prevención #ante a masiva afluencia de camiñantes, sobre todo estes días de bo tempo, permanecerá vixente mentres perdure a actual situación por causa do Covid-19