O centro de cobertura de TDT de o Carballiño procederá este xoves, 21 de maio, ao cambio de frecuencias, polo que os veciños de Godás de Cima, Longoseiros, a Gouxa, Veiga e a Groba deberán resintonizar as canles nos receptores de TDT
18 Maio, 2020
O concello impón un sentido único nos paseos polos carreiros de ambas as marxes do Arenteiro para evitar aglomeracións e aumentar a distancia de seguridade
22 Maio, 2020
O concello promove unha consulta cos establecementos comerciais, hostaleiros e de servizos do Carballiño para participar nunha plataforma conxunta de venda en liña
O Concello do Carballño pon en marcha unha consulta aos establecementos comerciais, hostaleiros e de servizos, para coñecer o seu interese en participar nunha plataforma conxunta de venda en liña.
A través dun cuestionario, ao que se accede na páxina web https://docs.google.com/forms/d/1E5dXcaR9UEGloWiUw8hL045sTg36OI1Zyi2-diJtX18/ viewform?edit_requested=true, os establecementos deben responder a un breve formulario co obxectivo de saber cuantos establecementos mostran interese por promover as vendas a través desta plataforma, e cales son as súas preferencias na maneira de participar.
A consulta está aberta a todos os sectores comerciais, hostaleiros e de servizos, e realízase coa finalidade de perfilar as características desta plataforma, que se promove para que as empresas e establecementos do Carballiño poidan ter un instrumento conxunto para ofrecer os seus produtos e servizos a través de internet.
Esta iniciativa, na que colabora a empresa local Infoxiro, forma parte da serie de iniciativas promovidas desde o concello, en colaboración cos sectores comercial, hostaleiro e industrial, para dinamizar a economía local tras a desescalada por causa da pandemia polo Covid-19.