O concello do Carballiño está a ultimar o proxecto para situar na Casa da Cultura a aula de informática do Cemit e trasladada do seu actual emprazamento na casa do concello.

O obxectivo é poder aproveitar para uso propio do concello a dependencia que ocupa agora mesmo esta aula no terceiro piso da casa do concello, e que resulta esencial para establecer as medidas de seguridade do persoal municipal, á vez que se podería ampliar o horario de apertura da aula, xa que se podería abrir tamén pola tarde e os sábados pola mañá, coincidindo co horario da biblioteca pública municipal.

O proxecto de recolocación da aula Cemit, que será instalada na última planta da Casa da Cultura, seralle trasladado á Xunta de Galicia para a súa aprobación, pois é quen ten a competencia sobre este servizo público.

A aula Cemit ten catorce prazas dotadas con catorce ordenadores, ademais dunha pantalla de proxección, que se manterán no novo proxecto.