Concerto folk do gaiteiro carballiñés Isidro Vidal, este venres, 31 de xullo, no Anfiteatro da Veracruz
30 Xullo, 2020
Amplíanse a 46 os locais hostaleiros que participarán nas xornadas gastronómicas do pulpo
30 Xullo, 2020
Concerto do grupo folk "caldo" este venres, 31 de xullo, ás 20:00h, no anfiteatro da Veracruz
O grupo folk “Caldo” estará este venres, 31 de xullo, no Carballiño para ofrecer un concerto con temas tradicionais e composicions propias.
O concerto, que se enmarca na Rede Galega de Teatros e Auditorios, terá lugar ás 20,00 h., no anfiteatro da Veracruz, con entrada libre e aforo limitado.
CALDO son María Jorge (violín), Anaïs Barbier (voz e pandeireta) e Pedro Fariñas (guitarra), que presentan unha proposta de melodías tradicionais galegas integradas en novos contextos sonoros, xunto a pezas propias tinguidas das músicas europeas e atlánticas.
Creado con agarimo, CALDO resulta un prato musical delicioso, no que os ingredientes viven unha fusión natural que vai directa ao sentir do público.
Neste proxecto, apostan pola composición de temas propios así como pola revisión do repertorio tradicional galego, poñendo o foco na aldea de Moscoso (Pontevedra). Para isto, contaron co material recolleito polo mestre Xisco Feijóo e as informantes Rosa e Aída Garrido. Así, no seu primeiro disco, formado por tema orixinais, CALDO emprega as pezas do repertorio de Moscoso como fío condutor do álbum. Este disco foi gravado en directo, para manter a esencia e a enerxía que desprenden nolos seus concertos.
