O museo etnográfico do Arenteiro permanece aberto as fins de semana en horario de 11,00 a 14,00 e de 17,00 a 20,00 h
16 Xullo, 2020
A trastenda dos contos trae este venres ao anfiteatro da veracruz, con aforo limitado, a representación de contos a pé de rúa, para un público familiar
16 Xullo, 2020
Reunión da xunta de seguridade no concello para analizar a situación actual e necesidades de cara ao resto do verá
O subdelegado do goberno en Ourense, Emilio González, presidiu esta mañá no concello do Carballiño a reunión da Xunta de Seguridade á que asistiron o alcalde, Francisco Fumega, e o concelleiro de Seguridade, Manuel Sotelo, así como os responsables da Garda Civil, Policía Local e da Unidade contra a Violencia de Xénero.
Na reunión analizouse a situación do Carballiño en materia de seguridade, así como a relativa á violencia de xénero, neste período de nova normalidade pola pandemia do covid 19, e de cara ao resto do verán.
Con respecto á seguridade durante o verán, e tendo en conta que foron suprimidos os eventos populares que implicaban grandes aglomeracións, como é a Festa do Pulpo, entre outros, incidiuse na necesidade de exercer un maior control para evitar calquera tipo de concentracións que puideran supoñer o incumprimento da normativa de seguridade e prevención con respecto ao covid 19.
