Atópase a exposición pública a ordenanza regulador de publicidade no municipio do Carballiño

A nova ordenanza ten por obxecto a regulación da difusión e repartición de publicidade no concello do Carballiño, establecendo un mecanismo sancionador para evitar a contaminación do medio ambiente, a suciedade, e desorde na vía pública e o establecemento de lugares habilitados polo concello para a colocación xeral de carteis no termo municipal.

A ordenanza refírese a carteis, pancartas ou calquera soporte publicitario colocado sobre o mobiliario urbano, muros, inmobles, zonas verdes e a vía pública, así como a publicidade comercial repartida directamente nas caixas de correo, ou para a entrega en man aos destinatarios.

Queda excluida a instalación de rótulos, bandeirolas e carteis luminosos nas fachadas, que indiquen denominación social de persoas físicas ou xurídicas, ou o exercicio de actividade mercantil, industrial, profesional ou de servizos que queden sometidos á concesión de licenza e o pagamento premio de taxa ao abeiro da lexislación urbanística. Tamén se exclúen os rótulos colocados nas obras en execución, a instalación de valos publicitarios na vía pública, que está sometido á correspondente Ordenanza Fiscal de ocupación de terreos da vía pública; a publicidade realizada polo propio concello, ou co consentimento deste, e as mensaxes publicitarias realizadas a través de vehículos, que queda regulada na vixente Ordenanza de ruidos e vibracións.

Na repartición domiciliaria de publicidade, deberá depositarse nas caixas de correo dos cidadáns, e/ou naqueles espazos que os veciños dispoñan para a súa colocación. E non se poderá depositar de forma indiscriminada ou en desorden as escaleiras ou na zona de acceso aos inmobles dende a vía pública.

Quedará prohibido a colocación de carteis, anuncios na vía pública, en edificios públicos, fachadas de inmobles, árbores, zonas verdes da vila, e mobiliario urbano en xeral, asi como botar material publicitario de xeito indiscriminado á vía pública, mediante a repartición manual de publicidade, e a colocación de carteis en terrazas, edificios, fachadas de inmobles, etcétera, tanto públicos como privados, que non sexan os habilitados para esta función polo concello. Tamén se prohíbe a publicidade cuxo contido atente contra a dignidade da persoa ou vulnere os dereitos recoñecidos na Constitución, especialmente no referente á infancia, xuventude, muller, sectores sociais marxinados, ou que supoña un risco para a saúde e seguridade dos consumidores.

A ordenanza establece un réxime sancionador que vai desde os 750 euros das infraccións leves, ata 1.500 euros nas graves, e 3.000 euros nas moi graves.

Unha vez que remate o período de exposición pública, que é de 30 días, e se resolvan as posibles alegacións que se presenten, a ordenanza entrará en vigor.