Corte de tráfico esta tarde na Rúa Aldara pola proxección da película Joker

A rúa Aldara quedará cortada ao tráfico este xoves, 13 de agosto, entre a praza do Cercis e o concello, das 19,00 ata a 01,00 h., pola montaxe para a proxección da película “Joker”.

A proxección terá lugar ás 22,30 h., na Praza Maior, e obliga a pechar ao tráfico este tramo da rúa Aldara, debendo usarse a ruta alternativa da rúa Caridade.

Así mesmo, a parte central e inferior da Praza Maior quedarán acotadas para instalar as sillas, que se colocarán a 1,5 metros de distancia cada unha co obxectivo de gardar as medidas de separación previstas na normativa de prevención e seguridade polo covid 19. Será obrigatorio o uso de marcarilla para acceder ao recinto e haberá un dispensador de xel á entrada para lavar as mans.

O acceso ao recinto para asistir á proxección será ás 22,15 h.

O ciclo de cine na rúa conta co patrocinio da Deputación Provincial de Ourense.