Publicada a convocatoria para a concesión de axudas do concello polo covid 19

Publicada no BOP de Ourense Nº 194 a Convocatoria para a concesión de axudas, en réxime de concorrencia non competitiva, destinadas a traballadores/as autónomos, microempresas e pequenas empresas cuxo domicilio fiscal e local comercial ou negocio afecto á actividade, radique no termo municipal do Carballiño, e este último permanecera pechado ao público ou detivese a súa actividade empresarial como consecuencia das medidas derivadas da declaración do estado de alarma provocado polo COVID-19, e cumpran os requisitos que se establecen nas bases reguladoras, sendo a finalidade última delas o fomento de emprego no termo municipal.

As axudas estarán destinadas para gastos correntes de emerxencia para autónomos, microempresas e pequenas empresas como consecuencia da crise sanitaria do COVID-19, e desenvolveranse en 3 Liñas de actuación.

Establécese un límite máximo de subvención do 90% do total do gasto subvencionable, que non terá en conta o IVE. Os límites máximos de subvención por beneficiario serán de 1.000 euros.

O Prazo de presentación das solicitude é de quince días hábiles, a contar

dende o día hábil seguinte á publicación no Boletín Oficial da Provincia de Ourense do extracto da convocatoria remitido pola Base de Datos Nacional de Subvencións.

O texto completo da convocatoria pode consultarse na Base de Datos Nacional de Subvención : https://www.infosubvenciones.es/bdnstrans/GE/es/convocatoria/519094