Instalado o bolardo automático na baixada a Flores, que restrinxe o acceso de vehículos
7 Setembro, 2020
Programa de desinfección diaria dos accesos aos centros educativos co inicio do curso escolar
9 Setembro, 2020
O Concello prosigue o acondicionamento de dezasete rúas na zona residencial e Arcos cun investimento de máis de 330.000 euros
O plan de mellora de infraestruturas no casco urbano e no rural do municipio do Carballiño prosigue a bo ritmo co acondicionamento de oito rúas na zona residencial.
Trátase das rúas Illas Baleares, Cataluña, Madrid, Extremadura, País Vasco, Navarra, A Rioxa e Aragón, que contarán cun novo asfaltado en quente, beirarrúas nalgúns tramos, así como renovación da rede de auga e alcantarillado, tamén nalgúns tramos.
O investimento é de 112.000 euros, que son sufragados íntegramente con fondos do concello.
Así mesmo, este verán acondicionáronse seis rúas na zona de Arcos, que son as rúas Bearíz, Maside, Leiro, Punxín, Boborás e San Amaro. O proxecto consistiu no asfaltado en quente, así como a renovación da rede de auga. O investimento foi de 119.000 euros, e sufragouse con fondos propios do concello.
Finalmente, en breve comezarán as obras de novo asfaltado e acondicionamento de tres rúas tamén na zona de Arcos, que con as rúas Pico Seco, Pena Grande e Volante. O investimento é de 100.000 euros, que son sufragados con fondos da Deputación Provincial de Ourense.
