Instaladas dúas novas marquesinas en Godás do río e Costoia para uso do transporte escolar e dos veciños.

As localidades de Godás do Río e Costoia contan con dúas novas marquesinas, que foron instaladas estes días, ao pé das estradas N 541 e OU 401 O Reino-Carballiño, respectivamente, para prestar servizo aos veciños destas parroquias do rural carballiñés.

Estas instalacións veñen a cubrir a necesidade dun servizo que se viña solicitando por parte dos veciños dende hai tempo, pois os escolares e os propios veciños debían agardar polo transporte á intemperie.

Trátase dunha colaboración entre a concellería de Medio Rural, que coordina Rosa Fuentes, e a Xunta de Galicia, e que supuxo a instalación destas dúas marquesinas, e unha terceira na localidade de Partovia.

Esta iniciativa forma parte do plan de mellora de servizos nas aldeas e parroquias por parte da área municipal de Medio Rural.