Tiruleque suspende as dúas representacións teatrais desta fin de semana correspondentes ao circuito de teatro Amador e a XIII mostra do teatro Amador
8 Outubro, 2020
Comenzan os cursos de formación industrial do programa integrado de emprego
11 Outubro, 2020
O Grumir permanecerá operativo provisionalmente de 08,00 a 15,00h, de luns a domingo, debido ás numerosas baixas da agrupación
O concello do Carballiño ven de comunicarlle ao Centro Integrado de Atención Emerxencias (CIAE) 112 de Galicia a redución dos horarios de funcionamento do Grumir, a partir deste sábado, debido ás numerosas baixas na agrupación.
Na actualidade existen numerosas baixas e vacantes nos postos do servizo de emerxencias municipal do concello do Carballiño. Así, a día de hoxe, dunha plantilla de once postos de traballo, unicamente están dispoñibles tres efectivos a xornada completa e un efectivo a media xornada, o que fai materialmente imposible prestar dito servizo durante 24 horas os sete días da semana.
Ante esta situación excepcional, o concello viuse na obriga de adaptar provisionalmente o horario de dito servizo. Polo tanto, dende este sábado día 10 de outubro de 2020, soamente estará dispoñible dito servizo de luns a domingo, en quenda de mañá, con horario de 8:00 a 15:00 horas.
Fóra desta franxa horaria, os avisos deberán ser desviados a outros corpos de emerxencias da zona, como pode ser o parque de bombeiros do Carballiño.
