A Policia Local abriu un expediente sancionador pola denuncia dun vertido ilegal de refugallos de obra no parque municipal do Carballiño. Investiga a autoría e procedencia do mesmo, co obxectivo de proceder á proposta de sanción correspondente, que pode oscilar entre os 900 e os 9.000 euros.

Tanto desde a Policía Local como da área municipal de Medio Ambiente, advirtese que este tipo de accións conlevan multas moi importantes, ademais de que supoñen un grave daño para o patrimonio medioambiental e natural do Carballiño, neste caso, do parque municipal.

Ao respecto, recórdase que este tipo de refugallos, así como outros residuos voluminosos, deben depositarse no punto limpo, onde hai contenedores para tal fin, e, polo tanto, non hai motivo algún para que se sigan producindo vertidos de xeito ilegal estragando o patrimonio medioambiental e natural.

Con demasiada frecuencia se producen este tipo de comportamentos incívicos e delictivos, tanto en terreos de titularidade municipal como en montes comunais ou incluso privados, que é preciso denunciar e sancionar, e que deben facer reflexionar sobre a imperiosa necesidade de coidar o noso entorno medioambiental e natural, que é un patrimonio de todos.