A Fundación Ínsua dos Poetas (A Esgueva-Madarnás-O Carballiño) organiza un concerto do grupo Milladoiro, que terá lugar este sábado, 28 de novembro, ás 17,00 h, con entrada gratuita ata completar o aforo, que é de 150 persoas, por tratarse dun evento ao aire libre, e que se desenvolverá con todas medidas sanitarias vixentes.

O evento conta co patrocinio da Xunta de Galicia e a colaboración da Deputación Provincial de Ourense e do Concello do Carballiño.

Trátase dun concerto enmarcado na xira do grupo polo seu 40 aniversario, e que visita once localidades galegas, xunto con esta da Ínsua dos Poetas, no Carballiño. Así, estará en Mos, Santiago, O Pino, A Estrada, Ames, Tui, Monforte, Portas, Vilanova de Arousa, O Barco e Sobrado dos Monxes.