A compañía teatral A Panadaría representará este sábado 16 de marzo no auditorio a comedia “As que limpan”

Este evento enmárcase na Rede Galega de Teatros e Auditorios (RGTA), e complementa o programa de actos polo 8M.

Será este sábado, 16 de marzo ás 20 h no Auditorio.

Esta comedia vai dirixida a un público adulto, e a entrada ten un custo de 5€.

SINOPSE

Un cartel pendurado no manubrio da porta. “Por favor, arranxe o cuarto”. Ao regreso da praia, as camas feitas, as toallas limpas e o baño impoluto. Son as que limpan, as invisibles que carretan ao lombo un sistema turístico precarizador. As que limpan é unha sátira utópica inspirada na loita organizada das camareiras de piso dos hoteis por conseguiren uns dereitos laborais e sociais

xustos. Fronte a elas, a avaricia voraz dos propietarios das cadeas hoteleiras. Hai quen nunca limpou un váter e hai quen limpa

cincocentos ao mes.

Ficha artística

• Autor: Areta Bolado, Noelia Castro, Ailén Kendelman.

• Dirección: Areta Bolado, Noelia Castro e Ailén Kendelman

• Escenografía: Beatriz de Vega

• Deseño son: Ailén Kendelman

• Deseño iluminación: Del Ruiz

• Vestiario: Esther Quintas

• Música: Ailén Kendelman

• Elenco artístico: -Areta Bolado

– NoeliaCastro

– Ailén Kendelman

Traxectoria da compañía

A Panadaría é unha nova compañía de teatro formada por Areta Bolado, Noelia Fernández e Ailén Kendelman. O seu primeiro espectáculo”PAN! PAN!” recibiu diferentes recoñecementos,

convertindo á compañía nunha das revelacións teatrais da tempada 2014-2015.

Nos seus comezos gañou o 1⁰ Premio Xuventude Crea 2013. No ano 2015 Ailén Kendelman foi

nomeada aos Premios María Casares por Mellor Música Orixinal, e Areta Bolado recibiu o Premio María Casares por Mellor Actriz

Secundaria polo seu traballo en PAN!PAN!

PREMIOS DA OBRA “AS QUE LIMPAN”.

Premio do Público na Mostra de Teatro Galego de Cariño 2022

Premio a Mellor Espectáculo de Sala na Feria de Teatro de Castilla y León 2022

Premio María Casares a Mellor Espectáculo 2023

Premio María Casares a Mellor Dirección 2023

Premio María Casares a Mellor Texto Orixinal 2023

Premio María Casares a Mellor Actriz Protagonista (Noelia Castro) 2023