O concello remite á veciñanza unha carta do alcalde para promover o empadronamento, lembrar as boas prácticas no uso dos servizos públicos e facilitar os teléfonos daqueles servizos máis solicitado
16 Abril, 2024
150 profesionais de Traballo Social celebrarán a Escola de Verán no Carballiño
21 Abril, 2024
• A función será o 28 de abril ás 19:30 horas no Auditorio Manuel María.
• ‘Smoke on the water’ é unha traxicomedia sórdida con música en directo que protagonizan
Josito Porto, Belén Constenla, Adrián Rios, María Costas e Mon Orencio
• Santiago Cortegoso dirixe e escribe o texto polo que recibiu o Premio Mome Varela Buxán
2013
Ibuprofeno Teatro presenta o vindeiro 28 de abril ás 18,30 horas ‘Smoke on the water’ no
Auditorio Manuel María do Carballiño. A obra, que toma o seu título do mítico tema da banda
inglesa Deep Purple, é unha traxicomedia sórdida con música en directo ambientada no
universo do rock dos 70 e foi galardoada con dous premios María Casares (mellor actor
protagonista para Josito Porto e mellor espazo sonoro para Mon Orencio).
O texto de Santiago Cortegoso, quen asina tamén a dirección, recibiu o Premio Mome Varela Buxán de textos teatrais no 2013 e está editado por Positivas, nun único volume xunto ao
último texto de Cortegoso ‘O mel non caduca’. En escena Josito Porto, Belén Constenla, Adrián
Rios e María Costas dan vida a uns personaxes fracasados e maltratados pola vida.
Acompáñaos no escenario o músico Mon Orencio que se encarga tamén do espazo sonoro.
Salvador del Río no deseño de iluminación, Pablo Giráldez ‘O Pastor’ no deseño do espazo
escénico, Marián Bañobre no deseño de vestiario, Baia Fernández na caracterización e Carmela
Bueno na axudantía de dirección e movemento escénico completan o equipo artístico.
A proposta escénica móvese entre un concerto de rock e o interior dunha casa, entre a realidade e o imaxinado, entre o que é e o que puido ser. O fracaso, a ferocidade do
capitalismo cos individuos menos produtivos, a identidade do individuo fronte á sociedade, a
filosofía ou o amor están presentes a través das relacións entre personaxes complexos e
atrapados, que non están onde queren estar pero tampouco son quen de moverse.
