Espectáculo teatral “Misaclown”
13 Abril, 2024
Ibuprofeno Teatro trae o rock and roll ao Carballiño coa obra ‘Smoke on the water’
18 Abril, 2024
Estimad@ veciñ@:
Os últimos anos foron moi convulsos, a pandemia e a crise económica supuxeron un esforzo importante para o noso pobo. A pesar de todo iso,
podemos dicir que afrontamos o futuro con grande ilusión. Temos por diante moitos retos que xunt@s seremos capaces de afrontar: a ampliación de 1.500.000 metros cadrados do novo polígono industrial, o novo centro de saúde e a necesidade de cubrir as diferentes especialidades, a creación do primeiro viveiro de empresas, a continuación do plan de renovación a LED da iluminación pública, o plan de melloras de infraestructuras da vila e do rural, ou a mellora dos servizos municipais en xeral.
Por estes motivos, que precisan dunha resposta conxunta, solicitamos o apoio da cidadanía para afrontar outros retos que dependen exclusivamente de nós mesmos, como o cumprimento das ordenanzas municipais ou a necesidade de que tod@s esteamos empadroados na vila, pois é a mellor forma de obter maiores recursos para poder prestar servizos con maior cobertura, tanto a nivel municipal como os que dependen doutras administracións (especialistas médicos, ambulancia, seguridade…).
A continuación recordamos unha serie de boas prácticas para un Carballiño mellor, no que unha pequena parte recorre nun incumprimento sistemático:
– O horario para tirar o lixo é dende as 20.00h ata as 7.00h.
– É obxecto de sanción tirar o lixo nas papeleiras.
– Está prohibido e será sancionado ensuciar a beirarrúa con feces de animais domésticos.
-Recordamos a prohibición de dar de comer na rúa a animais como pombas e gatos, pois supón un problema importante para a convivencia e a natureza.
Asemade, recordamos tamén o compromiso e a responsabilidade que supoñen os animais domésticos, o benestar animal debe ser
unha prioridade.
-Na actualidade existe un servizo de recollida de voluminosos mediante aviso previo, chamando ó número de teléfono do concello 988 530007 (Área de Medio Ambiente), de luns a xoves de 08.30 a 14.30 horas.
– Somos unha sociedade comprometida coa sostibilidade e o medio ambiente, por iso facemos un chamamento para a compostaxe doméstica e a reciclaxe dos diferentes materiais (cartón, plástico, vidro…)
– Con carácter xeral, seguindo a lei, non poderá haber especies como piñeiros, eucaliptos ou acacias, entre outras, nunha franxa perimetral de50m ao solo urbano ou de núcleo rural. Os incendios forestais poñen en risco vidas e o patrimonio.
– Existe unha normativa urbanística respecto ás edificacións ruinosas que supón unha sanción por poñer en risco ó resto da cidadanía.
– Existe unha normativa municipal que prohibe a colocación de cartelería en espazos públicos non autorizados.
-Nos últimos anos proliferan vertedoiros incontrolados no monte que supoñen un serio risco para o medioambiente e conlevan unha importante sanción.
– Protección Civil e outros colectivos como Cáritas, a Sociedade de san Vicente de Paul ou Cruz Vermella, prestan un servizo esencial para a cidadanía, asemade a nivel profesional os voluntarios teñen unha serie de beneficios que incentivan a participación na vida pública.
SÚMATE Ó VOLUNTARIADO.
– Por compromiso co medio ambiente, a mobilidade, a saúde e a economía local, recordamos a importancia de non utilizar os vehículos cando non é necesario, ó igual que facer uso dos garaxes.
– Se es vítima de violencia de xénero chama inmediatamente ó número de teléfono 016, non o dubides, non estás soa. ( Non queda no rexistro de chamadas)
Por outra banda, o simple feito de estar empadroad@, supón un importante beneficio para tod@s. Dende os especialistas sanitarios ou o resto de servizos que prestan as diferentes administracións, ou o propio financiamento do concello para poder asumir as múltiples competencias ou servizos prestados, depende directamente do número de persoas EMPADROADAS que ten o concello, un compromiso de tod@s. Ademais, os empadroados contan cos seguintes beneficios:
– O conservatorio, financiado maioritariamente polo Concello do Carballiño e que presenta un déficit importante en canto á recadación, con prazas limitadas, terá un primeiro prazo de matrícula para empadroados e un segundo para público en xeral.
– O servizo de conciliación Bo Día Familia e o Divertiño é exclusivo para familias da vila.
– O programa de axudas para libros e material escolar, dende primaria ata educación secundaria, será destinado a familias empadroadas.
– A xestión para maiores do programa de natación, xantar sobre rodas, termalismo ou mesmo a alta na tarxeta de discapaciadade para vehículos será exclusivamente para veciñ@s empadroados.
– Os inmigrantes que precisen obter os diferentes informes, como o de arraigo ou vivenda, necesariamente precisarán estar no padrón municipal.
– Será un requisito imprescindible estar empadroado para tramitar unha axuda de emerxencia social, do servizo de axuda a domicilio ou de libre concorrencia.
Por isto e moito máis, XUNT@s somos MÁiS¡
A continuación, recordamos unha serie de números de teléfono que son de interese para a cidadanía:
112 Centro de atención de emerxencias (Incendios, accidentes…)
061 Servizo de urxencias e emerxencias sanitarias.
016 Teléfono para a violencia de xénero.
012 Para permisos de queima e cortas de madeira, avisos de niños de velutina ou trámites ca administración autonómica.
988271816 Centro de saúde.
988270092 Garda Civil Carballiño.
988530006 Policía local.
988270007 Central taxis Carballiño.
988530007 Para a recollida de voluminosos.
Francisco J.
Fumega Piñeiro
No Carballiño, a 16 de abril de 2024
