Teatro infantil e familiar o próximo domingo no auditorio municipal

Abril comeza a programación cultural cunha obra de teatro infantil e familiar a partir dos 4

anos: “A NENA QUE VIVÍA NUNHA CAIXA DE MISTOS”, de CARAMUXO S.C.

Será o próximo

domingo, 7 ás 18.00 h no Auditorio Municipal Manuel María. Tén unha duración de 40 minutos e o custo da entrada é de 3.50€. O espectáculo forma parte da Rede Galega de Teatros e Auditorios.

SINOPSE

A nena que vivía nunha caixa de mistos” é a terceira parte da triloxía sobre os contos populares, que comezou con “As fabas máxicas”, continuou con “Feo” (Premio María Casares a

mellor espectáculo infantil) e rematará con este espectáculo. A nova proposta de Caramuxo

teatro está inspirada no conto “A vendedora de mistos” de Hans Chistian Ándersen. Un espectáculo cunha coidada posta en escena e cunha linguaxe contemporánea, utilizando como

temática a pobreza infantil. Unha nena camiña pola rúa dun lugar a outro cunha gran caixa de mistos, a casa onde pasa a noite. Pola mañá sae pola vila para vender mistos a quen os necesite, no día a día coñece un ganso e unha gata que mudarán a súa vida para sempre.

Ficha artística

• Autor: Laura Sarasola e Juan Rodríguez.

• Dirección: Juan Rodríguez

• Adaptación: Juan Rodríguez e Laura Sarasola

• Escenografía: Caramuxo teatro e Juan Ares

• Deseño son: Alma Sarasola e Fernando Román

• Deseño iluminación: Suso Jalda

• Vestiario: Diego Valeiras

• Música: Alma Sarasola e Fernando Román

• Coreografía: Laura Sarasola

• Elenco artístico:

Laura Sarasola , Juan Rodríguez (manipulación monicreques) e Fernando Román (música en

directo)

Traxectoria da compañía.

Caramuxo Teatro é unha compañía de Teatro Infantil e familiar nada na Coruña no 2003

formada por Juan Rodríguez e Laura Sarasola. No 2005 estrean Glub, Glub, o que foi no seu

momento o primeiro espectáculo de teatro para bebés producido en Galicia. Actualmente,

ademais de traballar nunha liña específica para bebés,co espectáculo “Zapatos” e “Na casa”

(recomendados pola Red Nacional de Teatros) ten en carteleira espectáculos para o público infantil e familiar. Dende os inicios mesturan diferentes técnicas, teatro de actor, monicreques,

danza… producindo espectáculos como “Mensaxe sen botella” , “Lazarillo”, “Animaliños”, “Os

Bolechas”, “Zapatos” e “Feo!” (Premio María Casares), entre outros. A liña de traballo céntrase

nuns textos elaborados a partir da nosa experiencia no eido educativo, unha estética coidada e unha escolla musical axeitada de modo que o resultado sexa un traballo poético emotivo e visual para desfrutar en familia.