A compañía Malasombra Producións trae o sábado 18 de maio ao auditorio municipal a comedia “Testosterona”

O espectáculo enmárcase na Rede Galega de Teatros e Auditorios, e terá lugar ás 20.30 h. O prezo da entrada é de 5€.

SINOPSE

O director dun importante medio de comunicación debe deixar o seu posto en mans dun dos seus

dous sub-directores. Un é muller, home o outro. Que influirá nesa decisión?: a capacidade?, o

sexo?, a experiencia?, a audacia?, o engano?, a trampa?…

TESTOSTERONA fala de desigualdade laboral; un home e unha muller optan a un posto de máxima

responsabilidade nun medio de comunicación de ámbito nacional; cal dos dous será o elixido e por

que? A autora mexicana Sabina Bernan, proponnos unha reflexión profunda sobre a desigualdade

laboral por cuestión de sexo, e faino de maneira que nos sorprenderemos cun sorriso debuxado

nos nosos beizos vendo as peripecias destes personaxes.

Ficha artística

• Autor: Sabina Berman

• Dirección: Xoque Carbajal

• Escenografía: Diego Valeiras

• Deseño son: Carlos Mosquera Mos

• Deseño iluminación: Xoque Carbajal

• Vestiario: Diego Valeiras

• Música: Carlos Mosquera Mos

• Elenco artístico: Camila Bosa

• Luis Iglesia

Traxectoria da compañía

Malasombra producións S.L. Fundouse no ano 2006 polo actor Xoque Carbajal. Hoxe, despois de

unha década, afianzamos un proxecto empresarial que non só xera cultura e ilusión, senón tamén

postos de traballo, converténdose nunha das compañías con máis distribución en Galicia.

Malasombra defende a comedia, pero faino como un medio de comunicación co público e non só

como un fin. O humor permite relaxar os sentidos e axuda a que as mensaxes cheguen ao receptor

sen que este teña as defensas pechadas. Por isto, parécenos o mellor vehículo para transportar asnosas historias, incluso as máis duras.