O concello solicita información da consellería de política social e da dirección da residencia do tempo libre para manter aberta a instalación este verán
Maio 28, 2020
O Carballiño dedica a próxima festa do polbo ao persoal de sanidade e emerxencias que estivo na primeira linea da loita contra o covid-19
Maio 30, 2020
A partir do luns, 1 de xuño ábrese o punto limpo para poder depositar os residuos voluminosos
A área de Medio Ambiente do concello do Carballiño informa que a partir deste luns, 1 de xuño, ábrese o Punto Limpo, e que, por tanto, xa se poderán levar os residuos voluminosos, tras o período de peche da instalación por causa do coronavirus.
O horario para depositar este tipo de residuos neste lugar é de luns a venres, de 12,00 a 14,00 h, excepto os días festivos.
Así mesmo, lémbrase que a recollida de residuos voluminosos xunto aos contedores só pódese facer mediante aviso previo/previo aviso, chamando ao teléfono do concello, 988 530007– Ext. 347 (Área de Medio Ambiente), de luns a xoves, e de 08,30 a 14,30 h.
Con moita frecuencia, algúns veciños deixan este tipo de residuos á beira dos contedores calquera día da semana e a calquera hora, sen efectuar esta comunicación previa ao concello, polo que os residuos permanecen na vía pública durante varios días. Para evitar este problema é absolutamente necesario respectar a ordenanza de recollida de lixo, que establece que os residuos voluminosos deben depositarse no Punto Limpo, ou ben deixalos á beira do contedores pero comunicando previamente ao concello o lugar do depósito para que se podan recoller.
