Curso de informática básica e iniciación a Internet
20 mayo, 2024
Presentación del anteproyecto del nuevo complejo deportivo de la Uceira
20 mayo, 2024
📖 Feliz día de las Letras Gallegas 2024, dedicado a Luisa Villalta, escritora, filóloga y violinista.
📌Dos poemas de sus libros “Ruido” y “En concreto”:
Era a hora en que as botellas se rompen para dar paso ás
profundidades.
Atrás quedaban as cores álxidas, mortas de sono. O calor
enfriaba-se no bisturí do horizonte.
Os nenos, de cóbados na xanela, enfrontaban a história
inconscientes, nun palpebrexo tan veloz como a infancia.
Pero aínda hai un cambio posíbel que se reserva no
bolso, un remanente da derrota, para mirar arredor.
Non nos estábamos separando, por iso nos recoñecemos.
Fitabamo-nos na cita imprevista, sen saber quen nos
chamou ao fio da noite.
(Ruído, 1995)
Isto é poesia, un ruido provocado.Non ornamento, arabesco para as pontas dos dedos:
inecesários encaixes para a alma dormir ou sentir
a levedeza da onda cando apenas chega a romper.
Provocación de boca con fame, isto.
E a fame adormece
ou reclama.
Fronte á rutina, o rito da palabra tensa a pel
do mundo: un tambor que desperta. A pel estremece-se
porque recoñece a morte que baila fóra da tumba.
Isto é tamén unha muller que resiste
(En concreto, 2004)
