Tras a solicitude realizada polo concello do Carballiño, Fomento está a proceder estes días ao repintado da sinalización horizontal da Avenida 25 de Julio, Francisco Castelló e Avenida de Pontevedra, ata pasar o viaduto do río Arenteiro.

Trátase de viais de moito tráfico, con diversos pasos de peóns e interseccións con rúas de sentido único e dobre sentido, así como zonas de estacionamento e paradas de autobús, cuxa sinalización é esencial para mellorar a seguridade dos peóns e condutores.

Ademais do repintado dos carrís que xa estaban marcados, engádese un novo carril na parte central da avenida 25 de Julio, no sentido Ourense ao Carballiño, para acceder á rúa Ben- Cho- Sey, evitando que os vehículos que circulen na mesma dirección teñan que esperar tras os que se incorporen a esa rúa.