O Carballiño consolídase como o segundo municipio máis poboado da provincia ao conseguir un padrón de 14.089 habitantes
Maio 18, 2020
O centro de cobertura de TDT de o Carballiño procederá este xoves, 21 de maio, ao cambio de frecuencias, polo que os veciños de Godás de Cima, Longoseiros, a Gouxa, Veiga e a Groba deberán resintonizar as canles nos receptores de TDT
Maio 18, 2020
O concello instala na Insua dos poetas un panel informativo sobre o roteiro dos muíños do río Pedriña
Co obxectivo de poñer en valor o patrimonio etnográfico do municipio do Carballiño, e por iniciativa do presidente da Asociación de Veciños de Madarnás, Adolfo Otero, o concello instalou nos arredores da Insua dos Poetas, na Esgueva- Madarnás, xunto ao muíño próximo a este espazo cultural e natural, un panel informativo co roteiro dos muíños do río Pedriña.
O panel, que foi deseñado polo biólogo e integrante do Centro de Estudos Chamoso Lamas, Diego Reboredo, contén información histórica e etnográfica sobre este roteiro dos muíños do río Pedriña, que é un dos principais afluentes do río Arenteiro.
Así, describe o conxunto de muíños deste río ao longo dun percorrido de 15 quilómetros, entre a Madalena e Godás do Río, pasando polos concellos do Irixo, Bororás e O Carballiño.
Trátase dunha iniciativa que se enmarca no programa de valorización do patrimonio etnográfico do Carballño, e que se complementa outras melloras, como as xa feitas ou que se están realizando no Museo Etnográfico do Arenteiro e a súa contorna.
Coa finalidade de supervisar a súa instalación, desprazáronse ata o lugar os concelleiros de Medio Rural, Rosa Fuentes; de Obras, Rogelio Otero, e de Cultura, Diego Fernández, co acompañamento do presidente da Fundación Insua dous Poetas, Luís González Tosar.
