O centro de estudios Chamoso Lamas publica na páxina web as cabeceiras xornalísticas históricas do Carballiño e comarca
Novembro 3, 2020
O concello rebaixa o gasto anual do consumo eléctrico en case 700.00 euros
Novembro 4, 2020
O concello levará ao próximo pleno unha modificación de crédito de 790.000 euros que se destinan a gasto social, fomento e axudas ao comercio, autónomos e pemes
A realización do expediente de modificación de crédito está xustificada no carácter específico e determinado do gasto para realizar e a imposibilidade de demoralo a exercicios posteriores polos seguintes motivos:
Primeiro: A situación de alarma sanitaria que xerou a pandemia do Covid19 motivou que o Congreso suspendese as tres regras fiscais para o exercicio 2020 e 2021 para facer frente á crise sanitaria, económica e social que deriva daquela.
Para facer fronte a dita crise considérase necesario dispor de parte do Remanente de Tesurería en 2020 e de partidas que non están comprometidas e que se considera que non se van a usar para destinalo a outras finalidades que se consideran máis prioritarias.
- Concretamente prevese un incremento das axudas directas a organismos como Cruz Vermella (20.000 euros) ou Cáritas (20.000 euros) para que atendan necesidades derivadas desta situación.
- Establécese unha nova liña de axudas dirixidas ao fomento do comercio (300.000 euros).
- Prevese incrementar a axuda directa ao Centro Comercial Aberto ampliando as axudas para o Bono Comercio (160.000 euro) se aquel resulta un éxito na súa primeira edición.
- Amplíanse as partidas de gastos sanitarios que vai ter o concello motivado polas necesidades de limpeza, desinfección e diverso material: mascarillas, etc… (50.000 euros).
- Por último, aproveitase a necesidades de facer unha serie de melloras e reformas en edificios e instalacións para incrementar as partidas en obras e dar carga de traballo ao sector da construcción como medida de apoio ao mesmo. (300.000 euros)
Nesta partida de gastos, en termos globais, os créditos totais ascenden a 1.198.000 euros, dos cales 600.000 euros son créditos extraordinarios, 190.000 euros son suplementos de crédito e 408.000 euros son créditos iniciais.
Xa que estes 408.000 euros contan con partida orzamentaria, é polo que a modificación de crédito refiriese aos 799.000 euros restantes, para completar o 1.198.000 euros do gasto total.
