Con dúas actividades nos colexios Calvo Sotelo e Vila do Arenteiro, rematan os obradoiros polas letras galegas
Outubro 27, 2020
Adxudicado o cambio do sistema lumínico da Avenida 25 de Xullo e Corzos por importe de 100.000 euros
Outubro 28, 2020
Os últimos datos confirman o bo resultado das medidas tomadas no Carballiño polo covid: hoxe hai 9 persoas infectadas menos, baixando das 188 que había hai uns días, no pico desta segunda onda, ata as 157 actuais.
Nos últimos días o número de persoas infectadas pola Covid baixou en 31 persoas, un 16,5%, pasando das 188 ás 157 de hoxe, o que da conta do bo resultado das medidas tomadas no Carballiño. En concreto, hoxe temos 9 persoas menos ca onte infectadas.
Dende a implantación destas medidas, levamos unha serie continuada de baixada no número de contaxios, así como de suba das altas tras superar a enfermidade, polo que se confirma a paulatina mellora da situación no Carballiño.
Por isto, dende o concello pídese á veciñanza proseguir na mesma liña de responsabilidade e prevención ata conseguir vencer ao coronavirus, polo que, pese a esta mellora que se percibe, e que se valora moi positivamente, non hai que baixar a garda en ningún momento e respectar na súa totalidade as normas impostas.
SUSPENSIÓN DA FEIRA DO 31 DE OUTUBRO
Consonte ás medidas que están vixentes, e co fin de reforzar a prevención e restrinxir ao máximo a mobilidade entre municipios, o alcalde ven de publicar un decreto suspendendo a celebración da próxima feira do 31 de outubro.
