Os Puntos de Información Catastral (PIC) son oficinas autorizadas pola Dirección Xeral de Catastro en distintas Organizacións Públicas e Institucións, fundamentalmente en Concellos, onde os cidadáns poden acceder á información catastral.
Os Puntos de Información Catastral prestan os seguintes servizos:

A calquera cidadán:

• Consulta e certificación de datos catastrais non protexidos.

Aos titulares catastrais ou aos seus representantes debidamente autorizados:

• Certificación da circunstancia de non figurar como titular catastral.
• Consulta e certificación de datos catastrais protexidos (nome, apelidos, razón, social, NIF, CIF, domicilio e valor catastral) e non protexidos relativos aos inmobles da súa titularidade.
• Horario de atención ao público: de 09:00 a 11:00 horas, de luns a venres.
• Localización: Praza Maior, 1 (oficinas municipais).