Dende a Biblioteca Pública Municipal, queremos convidar a todos os cidadáns a que se acheguen e ollen algunhas das últimas novidades incorporadas, xa que estamos a facer unha renovación das coleccións para todas as idades e tanto en galego como en castelán.
O verán pode ser ainda máis entretido coa compaña dun bo libro, e este é o mellor momento para achegarse as nosas instalacións e comprobalo.
Asimesmo lembrarvos que segue aberto o prazo para o contacontos de “Aria, unha cadela diferente”, que terá lugar o próximo venres, 21 de agosto, ás 12h no salón de actos da biblioteca, e dirixido tanto a nenos/as entre 3-12 anos coma a colectivos especiais.
